早前阿史就曾經同史友們介紹過埃及「死者之城」呢項考古發現，而近日呢個位於開羅郊外嘅遺址又有最新嘅考古發現，繼續同大家分享下！

呢個位於薩卡拉（Saqqara）名為「死者之城」嘅遺址近日就再發現多五個古墓，都係距今接近四千年前隸屬於古王國時期（Old Kingdom）以及第一中間時期（First Intermediate period）嘅墓。既然阿史介紹得，呢幾個古墓就當然唔簡單啦！古墓唔單止保存狀況良好，而且其中一個古墓更加被證實係屬於一位王室成員，單單係出土嘅陪葬品細節就已經細緻到嚇死人！而其他嘅墓主分別就有王室管家、負責「美化國王」嘅女祭司等，都係相當罕見！

唔單止佢哋嘅身份值得留意，而喺古墓當中仲有唔少石棺、木棺、小型雕像以及陶器，就連最難保護嘅壁畫都仍然栩栩如生，真係犀利！

原圖嚟自網絡